tuwing gabi tayo ay muling nagsasayaw
hindi napapagod sa sinkronisado nating pag galaw
swabe ang tyempo kaya di nag kakaapakan
magdamag nakalapat ang aking palad sa iyong bewang
kalkulado ang bawat pag indak at pag gewang
sinusulit ang init na hatid ng haplos ng iyong kamay sa aking batok
kasabay ng mabagal na lovesong ang puso at ang mapusok nitong tibok
kinakapos ako ng pag hinga sa tuwing ikay lumiliyad
bawat pag duyan kasabay ka,aking hirang akoy lumilipad
nakaka bighani ang mga pag ikot at magkasabay na hakbang
magkasama sa entabladong para sa iyo at sa akin lang
O aking sinta ,
lumiliwanag na.
giliw mag papaalam ka nanaman diba?
kelan kaya ulit kita makakasayaw dito ?
dito sa munti kong paraiso
Walang komento:
Mag-post ng isang Komento