Kung maari sana'y -
Wag mo ng ipusod ang iyong buhok.
Ang aking kahinaa'y -
Mga dilag na may makikinis at mapuputing batok.
Ayaw kong pinapakita sa biktima na akoy atat.
Ngunit pinahihirapan ng iyong nakalantad na balikat.
Mataas agad ang sensyasyon ng mga sandali.
Ngunit masyado pang mura ang ating gabi.
Iaabot ko muna sayo ang ating pampakalma.
Pinapalabas ng alak ang bahagyang pula
Sa mala diyosa mong mukha.
Kinikilig ako sa aking mga nakikita.
Sa iyong maikling palda at nakakrus na mga hita.
Sa paraan mo ng pagsubo gamit ang tinidor.
Nawawalan ng bisa ang mga bintilador.
Kanina pa nang gigigil sa pagmamasid.
Sa dagat ng kapilyuhan ang isip -
Ay di na makaahon sa pag kakasisid.
Dinilaan ko ang aking labi.
Nalasahan ko ang iyong puri.
Gustong gusto mo ang aking luto.
At pati ang mga tugtuging romantiko
Ilang beses mo na ring napansin
ang aking matatalim na ngipin.
Ngunit bakit lumalapit ka parin sakin?
Siguro meron ka ding madilim na pantasya.
Kaso binabalaan na kita
Sa oras na tayoy mag simula.
Hindi ako kasing lumanay ng sa pelikula.
#vampire #magingat
Walang komento:
Mag-post ng isang Komento